Жаннур Айипи шонздаҳсола ҳамеша аз назди шрифти Брайл дар нишондиҳандаҳои кӯча мегузашт, намефаҳмид, ки ин аломатҳо чӣ маъно доранд ва чӣ тавр одамон аз он истифода мебаранд. "Ман шрифти Брайлро дар ҷойҳои ҷамъиятӣ дидам ва аввал ба он аҳмияти махсус намедонам", мегӯяд ӯ. "Вале вақте ман оиди ин масъала бештар фикр мекардам, фаҳмидам, ки олами мо барои одамони бо вайроншавии босира мутобиқ он қадар мутобиқ нест". Жаннуро муамморо бештар омӯхт ва донист, ки ба соли 2050 шумораи одамон бо вайроншавии босира дар ҷаҳон тақрибан се маротиба бештар мешавад ва ба 117 миллион мерасад. Ӯ дарк кард, ки беҳуда нишастан мумкин нест ва қарор кард, ки ӯ барои иҷроиши супоришҳои нав омода аст.

Жаннур ба курс оид ба коркарди таъминоти барномавӣ бо коди аввалаи кушод худро нависонд, ки онро хазинаи "Girls Power", ки бо васеъкунии ҳуқуқҳо ва имконияти занон машғул аст, мегузаронид. Ӯ ва боз 44 духтарони мактабхон ин курсҳоро бо шарофати гранти "Ҳаллҳои инноватсионӣ"-и барномаи Агентии ИМА оид ба рушди байналхалқӣ (USAID) "Инноватсияҳои иҷтимоӣ дар Осиёи Марказӣ" (SICA), ки аз ҷониби "Хазинаи Авруосиё" амалӣ мегардад, шунавида тавонистанд. Аз август то октябри соли 2021 духтарон нисбатан зуд коркард кардани лоиҳаҳо бо истифода аз платформаи барномарезии рақамӣ бо коди аввалаи кушодаро омӯхтанд. Баъдан омӯзгорон аз онҳо амалӣ намудани ин лоиҳаҳо ва малакаҳои гирифташударо хоҳиш намуданд, то ки ба тағйиротҳо дар ҷамъиятҳои худ мусоидат намоянд. Жаннур дарҳол фаҳмид, ки аз болои таъмини дастрасӣ ва интегратсияи одамон бо вайроншавии босира кор кардан мехоҳад.

Фаррух Умаров аз Тоҷикистон хатмкардаи Донишгоҳи Оксфорд ва муассиси Маркази “Acceleration Skills Ilmhona” аст. Ӯ дар Истаравшан, як шаҳраке дар шимоли Тоҷикистон, дар хонаводаи муҳоҷири меҳнатӣ ба дунё омадааст. Падараш мисли садҳо ҳазор тоҷик, замоне, ки Фаррух ҳамагӣ 10 сол дошт, ба Русия барои кор муҳоҷират кардааст.

Аксарияти одамон бесаброна фарорасии мавсими гарми солро интизоранд ва ҳама чизеро, ки аз ҳавои хуб умед карда метавонанд, орзу доранд, аммо на Владислав. Гап дар он аст, ки Владислав дар наздикии партовгоҳи шаҳр зиндагӣ мекунад ва маҳз дар мавсими гарм, вақте ки партовҳо дар зери офтоби тафсон пусида, бӯйи баде мебароранд, Владислав ва ҳамсоягонаш маҷбуранд ба он тоб оваранд, зеро бо ин бӯйи бад коре карда наметавонанд. "Дар чунин шароит зиндагӣ кардан хеле душвор аст" иқрор мешавад ӯ. "Мавриде фаро мерасад ва шахс мефаҳмад, ки бояд амале кард ва чизеро тағйир дод."

Жандос Мейрманов аз шаҳри Қарағанда - як шаҳри саноатӣ дар маркази Қазоқистон аст. Жандос дар кӯдакӣ дар мактаби қазоқӣ таҳсил дошт ва дар хона бо қазоқӣ муошират мекард. Дар донишгоҳ ӯ ба маҳфили мубоҳисавӣ шомил шуд, то маҳорати муошират, баҳсу мунозира ва ҳалли мушкилотро такмил диҳад. Аммо мушкилот дар он буд, ки мубоҳисаҳои маҳфил танҳо ба забони русӣ сурат мегирифтанд.

"Ман фаҳмидам, ки дар Қазоқистон маҳфилҳои мубоҳисавӣ бо забони қазоқӣ қариб ки вуҷуд надоранд" - мегӯяд Жандос. “Мубоҳисаҳо ба рушд ва инкишофи ман таъсири бузург расониданд. Аммо агар ман ба забони русӣ ҳарф намезадам, ба ин ноил шуда наметавонистам. Тафаккури интиқодӣ, малакаҳои муошират ва шуури шаҳрвандӣ – мо бояд ҳамаи ин малакаҳоро бо забони қазоқӣ низ амалӣ кунем».

Набудани майдончаҳои мубоҳисавӣ бо забони қазоқӣ аз мушкилоти васеътари Қазоқистон - маҳдуд будани захираҳои таълимӣ бо забони қазоқӣ шаҳодат медиҳад. Ин боиси нобаробарии таълимӣ ва касбӣ байни ҷавонони қазоқзабон ва русзабон мегардад, бахусус дар деҳот, ки забони қазоқӣ онҷо бартарият дорад.

Соли 2020 Жандос ба Академияи сарварии ҷавонони Осиёи Марказӣ (CAYLA) дар доираи барномаи Инноватсияҳои иҷтимоӣ дар Осиёи Марказӣ (SICA), ки аз ҷониби USAID маблағгузорӣ мешавад, бо мақсади ба даст овардани донишҳои нав барои ҳалли ин мушкилот рӯ овард. Дар доираи таҳсилаш дар академияи CAYLA, ӯ ғолиби Гранти сарвари ҷавонон шуд ва лоиҳаи “Debate.kz”-ро оғоз кард, ки ҳадафаш ба ҷавонони қазоқзабони деҳотӣ таълим додани технологияҳои мубоҳисавӣ мебошад.

«Мубоҳисаҳо ба ҷавонони Қазоқистон на танҳо барои шиносоӣ бо мушкилоти иҷтимоӣ, балки барои эҳсос намудани ширкати худ дар онҳо кӯмак мекунанд. Онҳо як воситаи муҳим барои ташаккули сарварони ояндаи ҷомеа мебошанд", - мегӯяд Жандос.

Самал Рахатова дар донишгоҳ дар риштаи SMM (Social Media Management), яъне - Менеҷменти васоити ахбори иҷтимоӣ таҳсил кардааст, аммо пас аз хатми донишгоҳ барои дарёфти ҷои кор аз рӯи ихтисос ба мушкилӣ дучор омадааст. Аз ин ру, вай маҷбур шудааст, ки дар дигар бастҳо кор кунад, вале аз фаъолияти худ дар ин самтҳо натавонистааст қаноатмандӣ эҳсос намояд. Ниҳоят ӯ аз кор рафтааст ва воқеан бекор мондааст, то он даме, ки лоиҳаи "Касбҳои умедбахши оянда"-ро, ки аз ҷониби барномаи Навовариҳои иҷтимоӣ дар Осиёи Марказӣ (SICA) дастгирӣ гардида, аз ҷониби USAID сарпарастӣ мешавад, дарёфт накард.

«Дастгирии ташаббусҳо» - созмони ҷомеаи шаҳрвандӣ воқеъ дар шаҳри Қизилӯрдаи Қазоқистон буда, лоиҳаи «Касбҳои умедбахши оянда»-ро оғоз бахшидааст. Ҳадафи лоиҳа мусоидат ба ҳалли мушкилоти бекории ҷавонони Қазоқистон мебошад. Бояд қайд кард, ки аз соли 2020 сатҳи бекорӣ дар Қазоқистон ба таври назаррас афзоиш ёфт. Тавре Самал қайд мекунад, бисёре аз хатмкунандагони донишгоҳҳо муддати тӯлонӣ дар ҷустуҷӯи кор буданд ва бинобар нарасидани ҷойҳои корӣ маҷбур шуданд, ки берун аз ихтисоси худ кор кунанд. Ҳамин тариқ, тибқи омор, аз 18 406 нафаре, ки барои дарёфти кор ба Маркази шуғли аҳолии шаҳри Қизилӯрда муроҷиат кардаанд, танҳо 8 ҳазору 441 нафар тавонистаанд ба таври расмӣ бо ҷои кор таъмин шаванд.

Гурӯҳи «Дастгирии ташаббусҳо» тасмим гирифт, ки барои ҳалли ин масъалаҳо мусоидат кунад. Тавассути Гранти ҳалли инноватсионии SICA (Innovative Solutions Grant SICA), созмон курсҳои махсуси омӯзишӣ ва такмили ихтисосро оид ба касбҳои калидии рақамӣ, ки дар пасманзари пандемияи COVID-19 талабот ба онҳо зиёд аст, таъсис дод. Ин курсҳо, масалан, тренингҳоро оид ба идораи шабакаҳои иҷтимоӣ (SMM), аксбардории телефони мобилӣ, дизайни графикӣ ва ғайраро пешниҳод мекунад.

Самал яке аз аввалинҳо шуда ба курсҳои SMM дохил шуд ва тавассути он стратегияҳои пулкоркуниро бо истифода аз платформаҳои интернетӣ омӯхт. То охири курс Самал тавонист тақрибан 300 000 танга ба даст орад.